ABOUT ME

આપણે ત્યાં કેટલાક સોમવાર કરે છે તો કેટલાક મંગળવાર કરે છે. કોઈ વળી ગુરુવાર કરે છે તો કોઈ ભાવિક જનો તો અઠવાડિયાના બબ્બે વાર પણ કરે છે. પરંતુ હું તો સાત સાત વાર કરું છું. પહેલાં તો સવારે ઊઠતાં જ વાર કરું છું. પછી દાતણ કરતાં વાર કરું છું. નાહતાં વાર કરું છું. ઘરેથી નીકળતાં વાર અને પાછા ફરતાં પણ વાર કરું છું, ને સવારે ને સાંજે જમતાં પણ વાર કરું છું; અને રાતે સૂતાં વાર કરું છું એ તો વધારામાં.